ABŞ-da daha əvvəl 2,4% olaraq açıqlanan ikinci rüb iqtisadi artım rəqəmi, şirkət investisiyalarının azalması səbəbindən aşağıya doğru yenidən nəzərdən keçirilib.

Ticarət Nazirliyinin məlumatlarına görə, ABŞ iqtisadiyyatı aprel-iyun dövründə 2,1% artıb. İqtisadi artım daha əvvəl 2,4 faiz olaraq açıqlanmışdı. 

İkinci rüb iqtisadi artım rəqəminin yenidən nəzərdən keçirilməsində investisiyalara aşağı istiqamətli yenidən baxılması həlledici olmuşdur.

Artım rəqəminin aşağı düşməsinə baxmayaraq, ABŞ iqtisadiyyatı 2022-ci ilin mart ayından etibarən FED-in aqressiv faiz dərəcələrini artırma siyasətinə müqavimət göstərərək böyüməyə davam edib. Bir çox iqtisadçı bu il üçün tənəzzül gözləntilərini dəyişib.