"Silicon Valley Bank"ın (SVB) ana şirkəti olan "SVB Financial Group" müflis olmaq üçün müraciət etməyi düşünür.

Reuters vəziyyətlə tanış olan insanlara istinadən xəbər verir.

Agentlik yazır: "Keçən həftə ABŞ bank tənzimləyiciləri tərəfindən nəzarətə götürülən Silikon Vadisi Bankının ana şirkəti "SVB Financial Group" aktivlərin satışı variantlarından biri kimi iflas üçün müraciət etməyi nəzərdən keçirir".

Martın 10-da Kaliforniya ştatının tənzimləyiciləri ABŞ-ın iyirmi ən böyük kommersiya bankından biri olan Silikon Vadisi Bankını bağlayıb. Bu, 2008-ci il böhranından sonra ABŞ-da ən böyük bank uğursuzluğu idi.



Mənbə: marja.az